نورا الأمورة .. قصت تنورا
لبستها وصارت .. فيها مسرورة
تمشي وتتنقل متل العصفورة
والضيعة حولها التمّت مسحورة
****
رجال ونسوان .. مشيوا ولحقوها
قالوا الشبان لما شافوها .. يا نورا شو هالتنورا ؟
يا نورا فعلاً فرفورة ..
إنتي زهرة في بلدتنا .. انتي بهجتنا
لما بتمري بجيرتنا .. بترقص خيمتنا
بتقولك يا نورا .. يا أجمل منتورة
انتي دايماً حلوة .. فرحانة ومسرورة
لكن يا نورا .. فيها حزورة
بحياتك قولي .. منين هالتنورا ؟
ضجوا النسوان .. لما لمحوها
عند البستان وقفوا سألوها :
يا نورا جبتي تنورا
يا نورا هدية مقفورة
شو هالموضة عملتيها ؟ ليش قصرتيها ؟
ما كان فيكي طولتيها ؟ وين خيطتيها ؟
هالتنورا حلوي .. مع انها ما بتروي
لكن شكلها من بعيد .. بيرفرف وبيغوي
وهلئ يا نورا .. صرتي منظورة
ما فيكي تخبي .. منين هالتنورا ؟
****
شافها الناطور لما تأملها .. ما كان مسرور
قرّب يسألها :
يا نورا لمين هالتنورا ؟؟.. يا نورا صايرة مغرورة
جايي صوب المرجة الخضرا .. وع جبينك غرة
وهالتنورا البيضا الحمرا .. شي غالي بالمرة
شوفوا ما أحلاها .. العصفور بيهواها
ولي .. منين حصلتي عليها ؟
ومين شاري لك ياها ؟
أهل الضيعة :
يالله يا نورا .. القصة مشهورة
أحلى لك قري .. منين هالتنورا ؟
يا نورا يا نورا
من وين التنورا ؟
****
نورا : يا ناس الحشمة مشكورة .. كنتوا تركتوني مسرورة
يا ريتنا عمرنا حارة .. وما خيطنا هالتنورا
نسوان الضيعة : يا نورا يا نورا .. من وين التنورا ؟
نورا : قصتها عملت لي قصة .. وتركت لي في قلبي غصة
كل واحد صار بدو حصة .. من هالتنورا المشهورة
نسوان الضيعة : يا نورا يا نورا .. حكايي هالتنورا !
نورا بحسرة : حسدتوني ولفقتوا التهمات .. على إسمي وألفتوا حكايات
ليحل ما عمرنا حارات .. نملتنا نص المعمورة
نسوان الضيعة : يا نورا يا نورا .. حقك هالتنورا
نورا : والله شاريتها من مالي .. وبنيت عليها آمالي
لي شهر بوفر على حالي .. حتى جبنا هالتنورا
نسوان الضيعة : يا نورا يا نورا .. مبروك التنورا
وإن شاء الله بتظلي .. فرحانة ومسرورة
نورا : حالتنا مستورة .. وعيشتنا مغمورة
وأنا عين من عيشتنا .. بلقمة وتنورا
****
أهل الضيعة بصوت واحد :
يا نورا يا نورا .. مبروك التنورا
وإن شاء الله بتظلي .. فرحانة ومسرورة ..
يا نورا يا نورا